അടുത്ത മാര്‍ച്ച് വരെ സഞ്ജു ഇന്ത്യന്‍ ടീമില്‍ കാണില്ല, കടുംവെട്ടുമായി ബിസിസിഐ
ഇന്ത്യന്‍ ക്രിക്കറ്റിലെ ഒരു വിസ്മയമാണ് സഞ്ജു സാംസണ്‍. വെടിക്കെട്ട് ബാറ്റിംഗിന്റെ പര്യായമായി അദ്ദേഹം മാറുമ്പോഴും, ബിസിസിഐയുടെ തുടര്‍ച്ചയായ തഴയല്‍ അദ്ദേഹത്തിന്റെ കരിയറിനെ വല്ലാതെ ബാധിക്കുന്നു. ഈ വര്‍ഷത്തെ ടി-20 ലോകകപ്പില്‍ ഇന്ത്യന്‍ ടീമിന്റെ ഭാഗമായിരുന്നിട്ടും ഒരു മത്സരത്തില്‍ പോലും അദ്ദേഹത്തിന് അവസരം ലഭിച്ചില്ല. തുടര്‍ന്നുള്ള ശ്രീലങ്കന്‍ പര്യടനത്തിലെ അവസാന രണ്ട് മത്സരങ്ങളില്‍ പൂജ്യത്തിന് പുറത്തായതും തിരിച്ചടിയായി.
നിലവില്‍ ദുലീപ് ട്രോഫിയില്‍ ഇന്ത്യ ഡി ടീമിനൊപ്പമാണ് സഞ്ജു. രണ്ട് ഇന്നിംഗ്‌സുകളില്‍ നിന്ന് ആദ്യ കളിയില്‍ അഞ്ച് റണ്‍സും അടുത്ത കളിയില്‍ 40 റണ്‍സും നേടിയിട്ടുണ്ട്. ബംഗ്ലാദേശ് പര്യടനത്തില്‍ മറ്റേതെങ്കിലും താരം വിശ്രമം എടുത്താല്‍ അദ്ദേഹത്തിന് അവസരം ലഭിച്ചേക്കാം. എന്നാല്‍, ഇനി വരാനിരിക്കുന്ന അന്താരാഷ്ട്ര മത്സരങ്ങളില്‍ തിരഞ്ഞെടുക്കപ്പെടുന്ന താരങ്ങള്‍ എല്ലാവരും വിശ്രമമില്ലാതെ കളിക്കാന്‍ തയ്യാറാകണമെന്നാണ് ഹെഡ് കോച്ച് ഗൗതം ഗംഭീറിന്റെ നിര്‍ദ്ദേശം.
ബംഗ്ലാദേശ് പര്യടനത്തിന് തൊട്ടുപിന്നാലെ ന്യൂസിലാന്റുമായുള്ള മൂന്ന് ടെസ്റ്റ് പരമ്പരകള്‍ ആരംഭിക്കും. അതില്‍ സഞ്ജുവിന് ഇടമില്ലെന്ന് ഏറെക്കുറെ ഉറപ്പാണ്. തുടര്‍ന്ന് സൗത്ത് ആഫ്രിക്കയ്ക്കെതിരായ നാല് ടി-20 മത്സരങ്ങളില്‍ റിഷഭ് പന്തിനായിരിക്കും അവസരം. ദുലീപ് ട്രോഫിയില്‍ മികച്ച പ്രകടനം കാഴ്ചവച്ച പന്തിന് തന്നെയായിരിക്കും ബോര്‍ഡര്‍-ഗാവസ്‌കര്‍ ട്രോഫിയിലും അവസരം.
ടെസ്റ്റില്‍ ഇതുവരെ അരങ്ങേറ്റം കുറിക്കാത്ത സഞ്ജുവിനെക്കാള്‍ കെ എല്‍ രാഹുല്‍, പന്ത്, ധ്രുവ് ജുറല്‍ എന്നിവര്‍ക്കാണ് ബിസിസിഐ മുന്‍ഗണന നല്‍കുന്നത്. നിലവില്‍, ഈ വര്‍ഷം ഇനി ഇന്ത്യന്‍ ടീമില്‍ സഞ്ജുവിന് അവസരങ്ങള്‍ ലഭിക്കാനുള്ള സാധ്യത വളരെ കുറവാണ്. സൗത്ത് ആഫ്രിക്കന്‍ പര്യടനത്തില്‍ മറ്റേതെങ്കിലും താരം വിശ്രമം എടുത്താല്‍ മാത്ര?? അദ്ദേഹത്തിന് അവസരം ലഭിക്കൂ. ഔദ്യോഗിക വിവരങ്ങള്‍ ഉടന്‍ ലഭിക്കുമെന്ന് പ്രതീക്ഷിക്കാം.
സഞ്ജുവിന്റെ ഭാവി അനിശ്ചിതത്വത്തില്‍ തുടരുന്നു. അദ്ദേഹത്തിന്റെ ആരാധകര്‍ പ്രതീക്ഷയോടെ കാത്തിരിക്കുന്നു, എന്നാല്‍ ബിസിസിഐയുടെ തീരുമാനങ്ങള്‍ അദ്ദേഹത്തിന്റെ കരിയറിന്റെ ഗതി നിര്‍ണ്ണയിക്കും.