സര്‍ഫറാസ് നിര്‍ഭയനായി കളിച്ചു, ജയ്‌സ്വാള്‍ കഴിവ് തെളിയിച്ചു, ഒരോ കളിയും മരണക്കളിയെന്ന് തുറന്നടിച്ച് രോഹിത്ത്
ചെന്നൈ: ബംഗ്ലാദേശിനെതിരായ ടെസ്റ്റ് പരമ്പരയ്ക്ക് മുന്നോടിയായി ചെന്നൈയില്‍ നടന്ന വാര്‍ത്താ സമ്മേളനത്തില്‍ ഇന്ത്യന്‍ ക്യാപ്റ്റന്‍ രോഹിത് ശര്‍മ്മ തന്റെ മനസ്സിലുള്ള കാര്യങ്ങള്‍ തുറന്നു പറഞ്ഞു. ചെപ്പോക്ക് സ്റ്റേഡിയത്തില്‍ വ്യാഴാഴ്ച മുതല്‍ ആരംഭിക്കുന്ന ഒന്നാം ടെസ്റ്റിന് മുന്നോടിയായിട്ടായിരുന്നു ഈ വാര്‍ത്താ സമ്മേളനം.
ഓരോ കളിയും പ്രധാനം
‘രാജ്യത്തിനുവേണ്ടി കളിക്കുമ്പോള്‍ ഓരോ കളിയും പ്രധാനമാണ്,’ രോഹിത് ശര്‍മ്മ പറഞ്ഞു. ‘ഇത് ഓസ്‌ട്രേലിയ പരമ്പരയ്ക്കുള്ള ഒരു ഡ്രസ് റിഹേഴ്‌സല്‍ അല്ല. ലോക ടെസ്റ്റ് ചാമ്പ്യന്‍ഷിപ്പില്‍ നേടാനുള്ള പോയിന്റുകള്‍ ഉണ്ട്. കൂടാതെ പുതിയ സീസണ്‍ ഉയര്‍ന്ന നിലയില്‍ തുടങ്ങേണ്ടതുണ്ട്’
ചെന്നൈയിലെ ക്യാമ്പ്
‘ചെന്നൈയില്‍ ഞങ്ങള്‍ക്ക് ഒരു നല്ല പരിശീലന ക്യാമ്പ് ലഭിച്ചു. മണിക്കൂറുകള്‍ ചെലവഴിച്ചു. ഇതിനിടെ ചില കളിക്കാര്‍ ദുലീപ് ട്രോഫി കളിക്കാനായി പോയി, അതിനാല്‍ പുതയ സീസണിന് മുന്നോടിയായി നന്നായി തയ്യാറായിക്കഴിഞ്ഞു’ രോഹിത് കൂട്ടിച്ചേര്‍ത്തു.
വിജയത്തിനായുള്ള ദാഹം
‘എല്ലാ പരമ്പരയും പരമ പ്രധാനമാണ്. നിങ്ങള്‍ ഒരു ട്രോഫി നേടിയിട്ടുണ്ട് അതിനാല്‍ നമുക്ക് വിശ്രമിക്കാം എന്നത് എന്റെ മനസ്സില്‍ ഒരു തരത്തിലും ഇല്ല. അത് ഞങ്ങളുടെ രീതിയല്ല. ഞങ്ങള്‍ക്ക് കളിക്കുന്ന എല്ലാ പരമ്പരയും വിജയിക്കേണ്ടതുണ്ട്’ ക്യാപ്റ്റന്‍ പറഞ്ഞു.
കെ.എല്‍ രാഹുലിനുള്ള പിന്തുണ
‘രാഹുലിന്റെ കഴിവ് നമുക്കെല്ലാവര്‍ക്കും അറിയാം, അവന് പ്രതിഭയുണ്ട്. തിരിച്ചുവന്നതിന് ശേഷം, അവന് ദക്ഷിണാഫ്രിക്കയില്‍ ഒരു സെഞ്ച്വറി നേടി, ഹൈദരാബാദില്‍ 80+ നേടി, പിന്നീട് നിര്‍ഭാഗ്യവശാല്‍ പരിക്കേറ്റു. അവന് ടെസ്റ്റുകളില്‍ ശോഭിക്കാന്‍ കഴിയാതിരിക്കാനുളള ഒരു കാരണവും ഞാന്‍ കാണുന്നില്ല’ രോഹിത് രാഹുലിനെ പിന്തുണച്ചു.
യുവതാരങ്ങളെ വളര്‍ത്തിയെടുക്കണം
‘ജയ്സ്വാളിനെയും സര്‍ഫറാസിനെയും ജുറെലിനെയും നാം വളര്‍ത്തിയെടുക്കണം. യശസ്വി കടുത്ത സാഹചര്യങ്ങളില്‍ മികച്ച പ്രകടനം കാഴ്ചവച്ചു – സര്‍ഫറാസ് നിര്‍ഭയനായി കളിച്ചു, അതുപോലെ ജുറലും’ ക്യാപ്റ്റന്‍ കൂട്ടിച്ചേര്‍ത്തു.
വിജയമെന്ന ലക്ഷ്യം
‘എന്റെ മനസ്സിലൂടെ എപ്പോഴും കടന്നുപോകുന്ന കാര്യം ‘എങ്ങനെ എനിക്ക് വിജയിക്കാനാകും’ എന്നതാണ്. ഞങ്ങള്‍ ക്രിക്കറ്റ് കളിക്കാര്‍ക്ക് കായികരംഗത്ത് ഒരു സ്വാധീനം ചെലുത്താന്‍ പരിമിതമായ സമയമേയുള്ളൂ. അതിനാല്‍ ഞങ്ങള്‍ എല്ലാ കളിയും വിജയിക്കാന്‍ ആഗ്രഹിക്കുന്നു’ രോഹിത് ശര്‍മ്മ പറഞ്ഞു.
രോഹിത് ശര്‍മ്മയുടെ വാക്കുകള്‍ ബംഗ്ലാദേശിനെതിരായ പരമ്പരയില്‍ ഇന്ത്യന്‍ ടീമിന്റെ മനോഭാവം വ്യക്തമാക്കുന്നു. ഓരോ കളിയും പ്രധാനമാണെന്നും വിജയത്തിനായുള്ള അടങ്ങാത്ത ദാഹമാണ് ടീമിനെ നയിക്കുന്നതെന്നും അദ്ദേഹം ഊന്നിപ്പറഞ്ഞു.