റോഡ്രിഗോ മോഡ്രിച്ചിന്റെ ‘മകന്‍’, വെളിപ്പെടുത്തലുമായി റയല്‍ യുവതാരം

സ്പാനിഷ് ലീഗില്‍ റയല്‍ മാഡ്രിഡിനു വേണ്ടി ഈ സീസണില്‍ മികച്ച പ്രകടനം കാഴ്ചവെക്കുന്ന ബ്രസീലിയന്‍ യുവതാരമാണ് റോഡ്രിഗോ ഗോസ്. റയല്‍ മാഡ്രിഡില്‍ വന്നതിന് ശേഷം റോഡ്രിഗോ ഗോസുമായി ബന്ധപ്പെട്ട് നടന്ന രസകരമായ ഒരു സംഭവം ട്വിറ്റര്‍ ലൈവിലൂടെ വെളിപ്പെടുത്തിയിരിക്കുകയാണ് താരം.

റയലില്‍ വന്ന സമയത്തു ലൂക്ക മോഡ്രിച്ച് തനിക്കു തന്നൊരു ഉപദേശത്തെക്കുറിച്ചാണ് റോഡ്രിഗോ സംസാരിച്ചത്. റോഡ്രിഗോയുടെ അച്ഛന്റെ വയസ്സറിഞ്ഞു അത്ഭുതപ്പെട്ട മോഡ്രിച്ച് ആദ്യം അത് വിശ്വസിച്ചില്ല. പിന്നീട് റോഡ്രിഗോയുടെ അച്ഛന് 35 വയസ്സ് മാത്രമേയുള്ളുവെന്നറിഞ്ഞ മോഡ്രിച് തനിക്ക് റോഡ്രിഗോ അതിനാല്‍ തന്നെ കൂടുതല്‍ ബഹുമാനം നല്‍കണമെന്നും ആവശ്യപ്പെടുകയായിരുന്നു.

‘എന്റെ അച്ഛന് 35 വയസാണെന്നു അറിഞ്ഞ ശേഷം അദ്ദേഹം തനിക്ക് നിന്റച്ഛന്റെ പ്രായമുണ്ടെന്നും അതുകൊണ്ട് തന്നെ അത്രയും ബഹുമാനം താനും അര്‍ഹിക്കുന്നുണ്ടെന്നും പറഞ്ഞു. അതിനു ശേഷം അദ്ദേഹം എന്നെ ‘മകനേ’യെന്നും ഞാനദ്ദേഹത്തെ ‘അച്ഛാ’യെന്നുമാണ് വിളിക്കുന്നത്’ റോഡ്രിഗോ വെളിപ്പെടുത്തി.

അന്ധവിശ്വാസമുള്ള ഫുട്‌ബോളര്‍ ആണോയെന്ന ട്വിറ്റര്‍ ആരാധകരുടെ ചോദ്യത്തിനd റോഡ്രിഗോ മറുപടി ഇപ്രകാരമായിരുന്നു.

‘കളിക്കാനിറങ്ങുമ്പോള്‍ ആദ്യം വലതു കാലിലെ ചിന്‍ പാഡും ബൂട്ടുമാണ് അണിയാറെന്നും ആദ്യം വലതുബൂട്ടാണ് കെട്ടാറുള്ളതെന്നും താരം പറഞ്ഞു. കളിക്കളത്തിലേക്ക് വലതുകാല്‍ വെച്ചാണ് കളിക്കാനിറങ്ങാറുള്ളതെന്നും ഒരിക്കലും വരയില്‍ ചവിട്ടാതിരിക്കാന്‍ ശ്രദ്ദിക്കാറുണ്ടെന്നും റോഡ്രിഗൊ കൂട്ടിച്ചേര്‍ത്തു.

ഈഡന്‍ ഹസാര്‍ഡിന്റെ പരിക്കാണ് താരത്തിനു റയലില്‍ കൂടുതല്‍ സമയം കിട്ടുന്നതിന് കാരണമായത്. അദ്ദേഹത്തിന്റെ വലിയ ആരാധകനാണ് താനെന്നും റോഡ്രിഗോ വെളിപ്പെടുത്തി.

You Might Also Like