റയൽ മാഡ്രിഡ് ആരാധകർക്ക് സന്തോഷം നൽകുന്ന വാർത്തകളാണ് അനുബന്ധ സ്രോതസ്സുകളിൽ നിന്നും ഉയർന്നു വന്നു കൊണ്ടിരിക്കുന്നത്. സൂപ്പർതാരം ക്യാപ്റ്റൻ സെർജിയോ റാമോസ് തന്റെ ക്ലബ്ബ് വിടാനുള്ള തീരുമാനത്തിൽ നിന്നും മനംമാറി ഫ്ലോരെന്റിനോ പെരെസ് നൽകിയ പഴയ ഓഫർ സ്വീകരിക്കാനൊരുങ്ങുകയാണെന്നുള്ള റിപ്പോർട്ടുകളാണ് മാഡ്രിഡിൽ നിന്നും ഉയർന്നു വന്നുകൊണ്ടിരിക്കുന്നത്. റാമോസും പെരെസുമായി ചൊവ്വാഴ്ച നടന്ന ചർച്ചയിലാണ് റയലിനനുകൂലമായ തീരുമാനം റാമോസ് കൈക്കൊണ്ടതായി അറിയാനാകുന്നത്.
അടുത്തിടെയുണ്ടായ പരിക്കിനു ശേഷമാണ് രായലനനുകൂലമായ സാഹചര്യം റാമോസിന്റെ ഭാഗത്തു നിന്നും ഉയർന്നു വന്നിരിക്കുന്നത്. പെരെസിന്റെ ഭാഗത്തുനിന്നും ആദ്യം നൽകിയ ഓഫർ റാമോസ് നിർദയം നിരസിച്ചിരുന്നു. പിന്നീട് ഈ കോവിഡ് കാലത്ത് ക്ലബ്ബിനു നൽകാൻ സാധിക്കുന്ന പത്തു ശതമാനം വെട്ടിക്കുറച്ച വേതനം നിശ്ചയിച്ച അവസാന ഓഫർ ആണ് പെരെസ് പിന്നീട് റാമോസിന് മുന്നിലേക്ക് നീട്ടിയത്.
Perez and Sergio Ramos are continually talking with regard to the defender's contract renewal. The idea is to take advantage of Ramos' current injury layoff and ensure the matter is resolved one way or another before he returns to the pitch. [Marca] pic.twitter.com/y53z0XHeCm
— Real Madrid Info ³⁴ (@RMadridInfo) February 26, 2021
എന്നാൽ അതു റാമോസ് പരിക്കിനു മുമ്പേ നിരസിച്ചിരുന്നു. സമ്മറിൽ ക്ലബ്ബ് വിടാനുള്ള തീരുമാനമെടുത്തുവെന്നുവരെ അഭ്യൂഹങ്ങൾ ഉയർന്നു വന്നിരുന്നു. എന്നിരുന്നാലും പെരെസ് തന്റെ തീരുമാനത്തിലും ഓഫറിലും ഉറച്ചു നിൽക്കുകയായിരുന്നു. അതു അവസാനം ഫലം കണ്ടുവെന്നു തന്നെ വേണം കരുതാൻ.
പരിക്കിനു ശേഷം താരത്തിനു വന്ന മനം മാറ്റത്തിൽ പെരെസിന്റെ ഓഫർ സ്വീകരിക്കാൻ സമ്മതം മൂളിയെന്നാണ് അറിയാനാകുന്നത്. നിലവിലെ വേതനത്തിൽ നിന്നും പത്തുശതമാനം വീട്ടിക്കുറച്ച വേതനത്തിൽ മൂന്നു വർഷത്തേക്കുള്ള കരാറാണ് പെരെസ് മുന്നോട്ടുവെച്ചിരിക്കുന്നത്. എന്തായാലും നിലവിൽ പരിക്കിൽ നിന്നും മോചിതനായി തിരിച്ചെത്തുന്നതിലാണ് റാമോസിന്റെ ശ്രദ്ധ. ചാമ്പ്യൻസ്ലീഗിൽ അറ്റലാന്റക്കെതിരെ രണ്ടാം പാദത്തിൽ തിരിച്ചു വരാനാകുമെന്നാണ് റാമോസ് പ്രതീക്ഷിക്കുന്നത്.