2020ൽ ഈ സീസണിൽ ചാമ്പ്യൻസ്ലീഗിൽ ഗ്രൂപ്പ് സ്റ്റേജിൽ ചെറുതായി ബുദ്ദിമുട്ടു നേരിട്ടുവെങ്കിലും അതിൽ നിന്നെല്ലാം ശക്തമായി തിരിച്ചു വരാൻ സിനദിൻ സിദാന്റെ റയൽ മാഡ്രിഡിനു സാധിച്ചിരുന്നു. പരിക്കു മൂലം സൂപ്പർതാരങ്ങളെ നഷ്ടപ്പെട്ടപ്പോഴും അധികം മോശമല്ലാതെ പിടിച്ചു നിൽക്കാൻ റയലിനു സാധിച്ചുവെന്നതാണ് ഈ സീസണിൽ പ്രതീക്ഷ നൽകുന്നത്.
എൽച്ചെക്കെതിരായ റയലിന്റെ 2020ലെ അവസാന ലാലിഗ മത്സരത്തിൽ സമനില കൊണ്ടു തൃപ്തിപ്പെടേണ്ടി വന്നെങ്കിലും 2021ൽ വിജയത്തോടെ തുടങ്ങാനാണ് റയലിന്റെ ലക്ഷ്യം. സെൽറ്റ വിഗോക്കെതിരായ ഈ വർഷത്തെ ആദ്യ ലാലിഗ മത്സരത്തിനു ഇറങ്ങാനൊരുങ്ങുകയാണ് റയൽ മാഡ്രിഡ്. ഇന്നു രാത്രി ഇന്ത്യൻ സമയം 1:30ക്കാണ് മത്സരം നടക്കാനിരിക്കുന്നത്.
????✅ ¡Estos son los 23 jugadores convocados para enfrentarnos al @RCCelta!#RealMadridCelta | #RMLiga pic.twitter.com/nwrbWwQuVu
— Real Madrid C.F. (@realmadrid) January 1, 2021
പരിക്കിൽ നിന്നും തിരിച്ചു വന്ന ഈഡൻ ഹസാർഡിനെ എൽച്ചെക്കെതിരെ ഇറക്കിയില്ലെങ്കിലും സെൽറ്റക്കെതിരെ കളിക്കാനുള്ള സാധ്യത ഉയർന്നു വന്നിട്ടുണ്ട്. മികച്ച പ്രകടനം നടത്തിയിരുന്ന റോഡ്രിഗോയേയും പരിക്കിനെതുടർന്ന് റയലിനു നഷ്ടപ്പെട്ടിരുന്നു.എന്നാൽ റയൽ മാഡ്രിഡിനു ചെറിയ പ്രതിസന്ധി സൃഷ്ടിച്ചിരിക്കുന്നത് മറ്റൊരു താരത്തിന്റെ അഭാവമാണ്. നായകനായ സെർജിയോ രമോസിനു സെൽറ്റക്കെതിരെ കളിക്കാനാവില്ല.
വയറിനെ സംബന്ധിച്ചുള്ള അസ്വസ്ഥത മൂലം റയൽ മാഡ്രിഡ് സ്ക്വാഡിൽ നിന്നും റാമോസിനെ ഒഴിവാക്കിയിരിക്കുകയാണ്. പകരക്കാരനായി നാച്ചോയെയാണ് സിദാൻ സ്ക്വാഡിൽ ഉൾപ്പെടുത്തിയിരിക്കുന്നത്. വരാനൊപ്പം റാമോസ് പരിക്കു പറ്റി പുറത്തിരുന്ന സമയത്ത് സാമാന്യം നല്ല പ്രകടനം കാഴ്ചവെക്കാൻ നാച്ചോക്ക് സാധിച്ചിരുന്നു. എന്നിരുന്നാലും മികച്ച ഫോമിൽ തുടരുന്ന സെൽറ്റക്കെതിരെ റാമോസ് ഇല്ലാത്തത് റയലിനു ഒരു തിരിച്ചടി തന്നെയാണ്.