ഇന്ത്യയുടെ ലങ്കന് പര്യടനത്തില് രാഹുല് ദ്രാവിഡ് പരിശീലകനാകുമെന്ന് ഉറപ്പിച്ചു. ബിസിസിഐ പ്രസിഡന്റ് സൗരവ് ഗാംഗുലിയാണ് ഇക്കാര്യം സ്ഥിരീകരിച്ചത്. നിലവില് ദേശീയ ക്രിക്കറ്റ് അക്കാദമിയുടെ തലവനാണ് മുന് ഇന്ത്യന് നായകന് കൂടിയായിരുന്ന ദ്രാവിഡ്. ഇന്ത്യയുടെ അണ്ടര്-19, എ ടീമുകളുടെ നിരീക്ഷണ ചുമതലയും ദ്രാവിഡിനുണ്ട്.
ദ്രാവിഡ് പരിശീലകനാകുമെന്ന് നേരത്തെ തന്നെ റിപ്പോര്ട്ടുകള് പുറത്തുവന്നിരുന്നു. എന്നാല് ഇക്കാര്യം ബിസിസിഐ സ്ഥിരീകരിച്ചിരുന്നില്ല.
2014-ല് ഇന്ത്യന് ടീമിന്റെ ഇംഗ്ലണ്ട് പര്യടനത്തില് ദ്രാവിഡ് ബാറ്റിങ് കണ്സള്റ്റന്റ് ആയി പ്രവര്ത്തിച്ചിട്ടുണ്ട്. ഇന്ത്യയുടെ എ ടീം, അണ്ടര്-19 ടീം പരിശീലകനുമായിരുന്നു ദ്രാവിഡ്.
ലങ്കന് പര്യടനത്തിന് ഒരുങ്ങുന്ന ഇന്ത്യന് യുവനിര മുംബൈയില് 14 ദിവസത്തെ ക്വാറന്റെയ്നിലാണ്. അതിനുശേഷം ലങ്കയിലേക്ക് വിമാനം കയറും. ജൂലൈയിലാണ് ഇന്ത്യയും ലങ്കയും തമ്മിലുള്ള ഏകദിന, ട്വന്റി-20 പരമ്പര ആരംഭിക്കുക. നിരവധി പുതുമുഖ താരങ്ങള് ഉള്പ്പെടുന്ന ടീമിനെ നയിക്കുന്നത് ശിഖര് ധവാനാണ്. ഇന്ത്യന് സീനിയര് ടീം ഇംഗ്ലണ്ട് പര്യടനത്തില് ആയതിനാലാണ് യുവനിര ലങ്കയെ നേരിടുന്നത്.