ഇന്റർമിലാന്റെ തട്ടകമായ സാൻ സിറോയിൽ വെച്ചു നടന്ന സീരീ എ മത്സരത്തിൽ എതിരില്ലാത്ത രണ്ടു ഗോളുകൾക്ക് നിലവിലെ ചാമ്പ്യന്മാരായ യുവന്റസിനോട് വിജയം സ്വന്തമാക്കിയിരിക്കുകയാണ്. ഇന്ററിനു വേണ്ടി മധ്യനിരതാരങ്ങളായ അർടുറോ വിദാലും നിക്കോ ബാരെല്ലയുമാണ് ഗോളുകൾ നേടിയത്. ഇതോടെ പോയിന്റ് ടേബിളിൽ അഞ്ചാം സ്ഥാനത്തു തന്നെ തുടരുകയാണ് യുവന്റസ്.
വിജയത്തോടെ പോയിന്റ് നിലയിൽ ഒന്നാസ്ഥാനക്കാരായ എസി മിലാനൊപ്പമെത്താൻ ഇന്റർ മിലാനു സാധിച്ചിരിക്കുകയാണ്. എസി മിലാനു ഇന്ററിനെക്കാൾ ഇനിയും ഒരു മത്സരങ്ങൾ ബാക്കിയുണ്ടെങ്കിലും നിലവിൽ 40 പോയിന്റുമായി എസി മിലാനും ഇന്ററും ഒന്നും രണ്ടും സ്ഥാനത്തു തുടരുകയാണ്. എസി മിലാനെതിരെ വിജയം നേടാനായെങ്കിലും ഇന്റർ മിലാനെതിരെ ഗോൾ നേടാൻ യുവന്റസിനു കഴിയാതെ പോവുകയായിരുന്നു.
Juventus boss Andrea Pirlo has slammed his side's performance after the Bianconeri suffered a 2-0 defeat to rivals Inter Milan in the Derby d'Italia on Sunday.
— Kick Off (@KickOffMagazine) January 18, 2021
Full story ➡️ https://t.co/RbBwRuNVl2 pic.twitter.com/Wduc0ckxlN
യുവന്റസിന്റെ തുടക്കം മുതലേയുള്ള മത്സരത്തോടുള്ള മനോഭാവത്തെ കുറ്റപ്പെടുത്തി രംഗത്തെത്തിയിരിക്കുകയാണ് പരിശീലകനായ ആന്ദ്രേ പിർലോ. മത്സരത്തിൽ പന്ത് തിരിച്ചു പിടിക്കാനുള്ള ആവേശവും നിശ്ചയദാർഷ്ട്യവും യുവന്റസിനു നഷ്ടപ്പെട്ടിരുന്നുവെന്നും പിർലോ ചൂണ്ടിക്കാണിച്ചു. മത്സരശേഷം സ്കൈ സ്പോർട്ടിനു നൽകിയ അഭിമുഖത്തിൽ സംസാരിക്കുകയായിരുന്നു പിർലോ.
” ഞങ്ങളുടെ മനോഭാവം തുടക്കം മുതലേ തെറ്റായിരുന്നു. ഡ്യുവലുകൾ വിജയിക്കാനുള്ള ആവേശവും നിശ്ചയദാർഷ്ട്യവും ഉണ്ടായില്ലെങ്കിൽ അത് വളരെയധികം ബുദ്ദിമുട്ടുണ്ടാക്കും. ഞങ്ങൾ കൂടുതൽ അലസരായിരുന്നു. ഇതൊരു മോശം തോൽവി തന്നെയാണ്. ഞങ്ങൾ ഇത് പ്രതീക്ഷിച്ചിരുന്നില്ല. ഒരു പക്ഷെ ഇതിനേക്കാൾ മോശം മത്സരം ഞങ്ങൾക്കുണ്ടായേനെ. പക്ഷെ ഞങ്ങൾക്ക് ഞങ്ങളുടെ തലയുയർത്തി തന്നെ അടുത്ത ഫൈനലിനു വേണ്ടി തയ്യാറാവേണ്ടതുണ്ട്. (നാപോളിയുമായുള്ള കോപ്പ ഇറ്റാലിയ ഫൈനൽ)” പിർലോ പറഞ്ഞു