അടുത്ത സീസണിലേക്കുള്ള മാഞ്ചസ്റ്റർ സിറ്റിയുടെ പ്രധാന ട്രാൻസ്ഫർ ലക്ഷ്യങ്ങളിലൊന്ന് നാപോളിയുടെ സൂപ്പർ പ്രതിരോധതാരം കാലിഡു കൂലിബാലിയാണ്. താരത്തിന് വേണ്ടി വലിയ ശ്രമങ്ങൾ സിറ്റി നടത്തുന്നുണ്ടെങ്കിലും നാപോളി വഴങ്ങുന്ന മട്ടില്ലെന്നാണ് പുതിയ റിപ്പോർട്ടുകൾ.
അവസാനമായി മാഞ്ചസ്റ്റർ സിറ്റി താരത്തിന് വേണ്ടി ഓഫർ ചെയ്ത തുക 65 മില്യൺ യുറോയായിരുന്നു. നാപോളി അത് ഉടനടി നിരസിച്ചിരുന്നു. എന്നാൽ താരത്തിനു വേണ്ടി കിണഞ്ഞു ശ്രമിക്കുന്ന സിറ്റി അടുത്തിടെ 70 മില്യൺ യുറോയുടെ ഓഫർ മുന്നോട്ടു വെച്ചിരുന്നു. എന്നാൽ അതും നാപോളി നിരസിച്ചതയാണ് റിപ്പോർട്ടുകൾ. സ്പാനിഷ് മാധ്യമമായ എഎസ് ആണ് ഈ വാർത്ത പുറത്തുവിട്ടിരിക്കുന്നത്.
According to Spanish newspaper AS, Manchester City have offered €70m for Kalidou Koulibaly, but Napoli are still holding out for more https://t.co/FzhyPDsJn1 #MCFC #Napoli #SerieA pic.twitter.com/Ptw35tyMK0
— footballitalia (@footballitalia) September 1, 2020
കൂലിബലി സിറ്റിയുമായി വ്യക്തിഗത നിബന്ധനകൾ അംഗീകരിന്നുണ്ടെങ്കിലും നാപോളി താരത്തെ വിട്ടുനൽകാൻ ഒരുക്കമല്ലെന്നത് തിരിച്ചടിയാവുകയാണ്. 80 മില്യൺ യുറോയെങ്കിലും കുറഞ്ഞത് താരത്തിന് വേണമെന്നാണ് നാപോളി പ്രസിഡന്റ് ഡി ലോറിന്റീസിന്റെ ആവശ്യം.പക്ഷെ ഇത്രയും തുക നൽകാൻ സിറ്റി നിലവിൽ ഉദ്ദേശിക്കുന്നില്ല.
എന്തെന്നാൽ സൂപ്പർ താരം ലയണൽ മെസിയെ ക്ലബ് വിടാൻ ബാഴ്സ അനുവദിച്ചാൽ താരത്തിന് വേണ്ടി ഭീമമായ തുക ആവിശ്യമായി വരും. ചുരുങ്ങിയത് 100 മില്യൺ യൂറോയെങ്കിലും താരത്തിനായി മുടക്കേണ്ടിവരും. ചിലപ്പോൾ അത് 150 മില്യൺ യൂറോ വരെ കൂടുമെന്നാണ് സിറ്റി കണക്കുകൂട്ടുന്നത്. എന്നാൽ താരത്തിനായുള്ള ശ്രമം ഉപേക്ഷിക്കാൻ സിറ്റി ഒരുക്കമല്ല. ചർച്ചകൾ മുഖേന താരത്തെ എത്തിഹാദിലെത്തിക്കുമെന്നു തന്നെയാണ് സിറ്റിയുടെ തീരുമാനം.