ഞങ്ങളല്ല, അവരാണ് ഹീറോകള്, നന്ദിപറഞ്ഞ് കോഹ്ലിയും രോഹിത്തും രാഹുലും
പാകിസ്ഥാനെതിരെ തകര്പ്പന് നേടിയ ആവേശത്തിലാണല്ലോ ടീം ഇന്ത്യ. പ്രതികൂല കാലവസ്ഥ മൂലം രണ്ട് ദിവസം നീണ്ട് നിന്ന മത്സരത്തില് 227 റണ്സിന്റെ പടുകൂറ്റന് വിജയമാണ് ഇന്ത്യ പാകിസ്ഥാനെതിരെ സ്വന്തമാക്കിയത്. ഇതോടെ മത്സരം പൂര്ത്തിയാക്കാന് പ്രയത്നിച്ച ഗ്രൗണ്ട് സ്റ്റാഫുകള്ക്ക് നന്ദി പറഞ്ഞ് രംഗതെത്തിയിരിക്കുകയാണ് ഇന്ത്യന് ക്യാപ്റ്റനടക്കമുളള താരങ്ങള്.
ഇന്ത്യന് ക്യാപ്റ്റന് രോഹിത്ത് ശര്മ്മ, സൂപ്പര് താരങ്ങളായ വിരാട് കോഹ്ലി, കെഎല് രാഹുല് എന്നിവരാണ് ഗ്രൗണ്ട് സ്റ്റാഫിന് നന്ദി പറഞ്ഞ് രംഗത്തെത്തിയത്.
കൊളംമ്പോയിലെ ആര് പ്രേമദാസ സ്റ്റേഡിയത്തിനല് രണ്ട് ദിവസം മഴ പെയ്തിട്ടും കളി പൂര്ത്തിയാക്കാന് ആയത് അവരുടെ മികവ് കൊണ്ടാണെന്ന് ഇന്ത്യന് ക്യാപ്റ്റന് പറഞ്ഞു. മത്സരശേഷം ഗ്രൗണ്ട് സ്റ്റാഫിനെ സന്ദര്ശിച്ച് രോഹിത്ത് നേരിട്ട് നന്ദി പറയാനുളള മറന്നില്ല.
‘ഈ ഗെയിം സാധ്യമാക്കാന് അവര് നടത്തിയ പ്രവര്ത്തനത്തിന് എല്ലാ ഗ്രൗണ്ട്സ്മാന്മാരോടും നന്ദി പറയുന്നു. അവര് ഒരു മികച്ച ജോലി തന്നെ ചെയ്തു’ തന്റെ പ്ലെയര് ഓഫ് ദി മാച്ച് അവാര്ഡ് സ്വീകരിച്ചുകൊണ്ട് വിരാട് കോഹ്ലി പറഞ്ഞു.
‘ഗ്രൗണ്ട്സ്മാനില് നിന്നും മികച്ച പിന്തുണയായിരുന്നു ഈ കളിക്ക് ലഭിച്ചത്.. ഒരു ടീമെന്ന നിലയില് അവര്ക്ക് നന്ദി പറയാന് ഞങ്ങള് ആഗ്രഹിക്കുന്നു. കളിക്കാന് ആകുക എന്നത് പ്രധാനമായിരുന്നു. ഇവര് പ്രയത്നിച്ച കാരണമാണ് ഈ മത്സരം സാധ്യമായത്’ രോഹിത് ശര്മ്മ പറഞ്ഞു.
കെഎല് രാഹുലും മത്സരം നടന്ന ക്രെഡിറ്റ് മുഴുവന് ശ്രീലങ്കന് ഗ്രൗണ്ട് സ്റ്റാഫിനാണ് നല്കുന്നത്. ‘സുരക്ഷിതമായി കളിക്കാന് ഈ മത്സരം സാധ്യമാക്കിയത് ഗ്രൗണ്ട് സ്റ്റാഫുകളുടെ കഠിനാധ്വാനാമാണ്. അവര് ഞാന് നന്ദി പറയുന്നു’ രാഹുല് ഇന്സ്റ്റ സ്റ്റോറിയില് കുറിച്ചു.