ഇംഗ്ലീഷ് ഫുട്ബോളിൽ ഇന്നൊരു വമ്പൻ പോരാട്ടം നടക്കാൻ പോവുകയാണ്. പ്രീമിയർ ലീഗ് ജേതാക്കളായ മാഞ്ചസ്റ്റർ സിറ്റിയും കറബാവോ കപ്പ് സ്വന്തമാക്കിയ മാഞ്ചസ്റ്റർ യുണൈറ്റഡും തമ്മിൽ എഫ്എ കപ്പിന്റെ ഫൈനലിലാണ് ഏറ്റുമുട്ടുന്നത്. രണ്ടു ടീമുകൾക്കും സീസണിലെ രണ്ടാമത്തെ കിരീടം സ്വന്തമാക്കാനുള്ള അവസരമാണ് ഈ മത്സരമെന്നതിനൊപ്പം മാഞ്ചസ്റ്റർ ഡെർബിയാണെന്ന ആവേശവും ഇതിനുണ്ട്.
ഇംഗ്ലണ്ടിലെ വമ്പൻ പോരാട്ടത്തിൽ പങ്കെടുക്കാൻ ഇന്ത്യയുടെ അഭിമാന ക്രിക്കറ്റ് താരമായ വിരാട് കോഹ്ലിയും ഭാര്യ അനുഷ്കയും ഉണ്ടാകുമെന്നാണ് സൂചനകൾ. നിലവിൽ ഐസിസി ലോക ടെസ്റ്റ് ചാമ്പ്യൻഷിപ്പിൽ പങ്കെടുക്കുന്നതിനു വേണ്ടി വിരാട് കോഹ്ലി ലണ്ടനിലുണ്ട്. ഓസ്ട്രേലിയയെ കീഴടക്കി കിരീടം സ്വന്തമാക്കാമെന്ന പ്രതീക്ഷയിലാണ് ഇന്ത്യയുള്ളത്.
Virat Kohli and Anushka Sharma will attend the FA Cup final between Manchester City and Manchester United tomorrow 👏
They have been invited by Puma and Man City to attend the iconic occasion at Wembley. #FACupFinal #WTCFinal pic.twitter.com/zDswcfV2lz
— Farid Khan (@_FaridKhan) June 2, 2023
എഎൻഐയുടെ റിപ്പോർട്ടുകൾ പ്രകാരം മാഞ്ചസ്റ്റർ സിറ്റിയുടെ കിറ്റ് സ്പോൺസർമാരായ പ്യൂമയുടെ അതിഥികളായാണ് വിരാട് കോഹ്ലിയും അനുഷ്ക ശർമയും മത്സരത്തിനായി എത്തുന്നത്. 2017 മുതൽ വിരാട് കൊഹ്ലിക്കും പ്യൂമയുമായി പങ്കാളിത്തമുണ്ട്. ഇതാണ് താരം മത്സരത്തിൽ പങ്കെടുക്കാൻ അവസരമൊരുക്കിയത്.
ക്രിക്കറ്റ് താരാമാണെങ്കിലും ഫുട്ബോളിന്റെ കടുത്ത ആരാധകൻ കൂടിയാണ് വിരാട് കോഹ്ലി. ക്രിസ്റ്റ്യാനോ റൊണാൾഡോയുടെ വലിയ ആരാധകനായ വിരാട് ഇന്നത്തെ ഡെർബി മത്സരത്തിൽ മാഞ്ചസ്റ്റർ യുണൈറ്റഡിനാകും പിന്തുണ നൽകുകയെന്നതാണ് പ്രതീക്ഷിക്കേണ്ടത്. ഫുട്ബോൾ ആരാധന കൊണ്ടു തന്നെ ഇന്ത്യൻ സൂപ്പർ ലീഗ് ക്ലബായ ഗോവയുടെ ഷെയറുകളും താരം സ്വന്തമാക്കിയിട്ടുണ്ട്.
ഇന്നത്തെ മത്സരത്തിൽ രണ്ടു ടീമുകളും മികച്ച പോരാട്ടം നടത്തുമെന്ന കാര്യത്തിൽ സംശയമില്ല. മാഞ്ചസ്റ്റർ യുണൈറ്റഡിനെ സംബന്ധിച്ച് മികച്ച പ്രകടനം നടത്തി ഒരു കിരീടം കൂടി സ്വന്തമാക്കുക എന്ന ലക്ഷ്യമാകും ഉണ്ടാവുക. അതേസമയം മാഞ്ചസ്റ്റർ സിറ്റിക്ക് ചാമ്പ്യൻസ് ലീഗ് ഫൈനലിന് മുൻപുള്ള ഒരു പ്രധാന പോരാട്ടത്തിനൊപ്പം ട്രെബിൾ കിരീടത്തിലേക്കുള്ള രണ്ടാമത്തെ ചുവടുവെപ്പുമാണ്.