ഐഎസ്എല് ഏഴാം സീസണില് കേരളാ ബ്ലാസ്റ്റേഴ്സിനായി ബൂട്ടണിഞ്ഞ സ്പാനിഷ് താരം ജുവാന്ഡെ ലോപസ് ക്ലബ് വിട്ടു. ഓസ്ട്രേലിയന് എ ലീഗ് ക്ലബ് അഡ്ലെയ്ഡ് യുണൈറ്റഡിലേക്കാണ് ജുവാന്ഡെ കൂടുമാറിയിരിക്കുന്നത്.
ജുവാന്ഡയെ സ്വന്തമാക്കിയതായി അഡ്ലെയ്ഡ് യുണൈറ്റഡ് തന്നെയാണ് ഔദ്യോഗികമായി സ്ഥിരീകരിച്ചുത്. ഓസ്ട്രേലിയയിലെ പ്രധാനപ്പെട്ട എ ലീഗ് ക്ലബുകളില് ഒന്നാണ് അഡ്ലെയ്ഡ് യുണെറ്റഡ്. ഇപ്പോള് സീസണ് അവസാനം വരെയാണ് ജുവാന്ഡെ അഡ്ലെയ്ഡുമായി കരാറിലെത്തിയത്. ക്വാറന്റീന് പൂര്ത്തിയാക്കിയ ജുവാന്ഡെ വൈകാതെ ടീമിനൊപ്പം ചേരും.
ബ്ലാസ്റ്റേഴ്സ് ക്യാപ്റ്റനായ സ്പാനിഷ് താരം സെര്ജിയോ സിഡോഞ്ച പരുക്കേറ്റ് പുറത്തായതോടെയാണ് പകരക്കാരനായി ജുവാന്ഡെയെ മഞ്ഞക്കുപ്പായം അണിഞ്ഞത്. ജനുവരിയില് ടീമിനൊപ്പം ചേര്ന്ന ജുവാന്ഡെ പത്ത് മത്സരങ്ങളില് ബ്ലാസ്റ്റേഴ്സിനായി കളിയ്ക്കുകയും ചെയ്തിരുന്നു.
ജുവാന്ഡെയുടെ പ്രകടനം ശരാശരി മാത്രമായിരുന്നെന്നാണ് ക്ലബ് പിന്നീട് വിലയിരുത്തിയത്. ഇതോടെയാണ് ജുവാന്ഡയെ അനായാസം വിട്ടുകൊടുക്കാന് ബ്ലാസ്റ്റേഴ്സിനായത്.
വിവിധ സ്പാനിഷ് ക്ലബുകളില് കളിച്ചിട്ടുള്ള ജുവാന്ഡെ 2018 മുതല് ഓസ്ട്രേലിയയിലുണ്ട്. പെര്ത്ത് ?ഗ്ലോറിക്കായാണ് അവിടെ ആദ്യം കളിച്ചത്.