; )
ഐപിഎല്ലിന് ഇന്ത്യയിലേക്ക് വരാനിരിക്കെ ഇന്ത്യന്‍ സൂപ്പര്‍ താരം മായങ്ക് അഗര്‍വാളിനെ ട്രോളില്‍ ‘മുക്കികൊന്ന്’ കിവീസ് സൂപ്പര്‍ താരം ജിമ്മി നീഷാം. ഇന്‍സ്റ്റഗ്രാമില്‍ മായങ്ക് പങ്കുവെച്ച വര്‍ക്ക് ഔട്ടിന്റെ ചിത്രത്തെയാണ് നിഷാം രസകരമായ രീതിയില്‍ ട്രോളിയത്.
വര്‍കഔട്ടിനായി പരിശ്രമിച്ചാല്‍ മാറ്റം വരുമെന്ന തലക്കെട്ടോടെയാണ് മായങ്ക് ചിത്രം പോസ്റ്റ് ചെയ്തത്. തൊട്ടുപിന്നാലെ ജിമ്മി നീഷമിന്റെ കമന്റെത്തി.
View this post on Instagram
”അഭിനന്ദനങ്ങള്‍ കുഞ്ഞ് ആണാണോ, പെണ്ണാണോ’?. മായങ്കിന്റെ വര്‍കഔട്ട് ചിത്രത്തെ പ്രസവവേദനയോടാണ് നിഷാം താരതമ്യം ചെയ്തത്. ഇതോടെ നീഷമിന്റെ കമന്റ് സമൂഹമാധ്യമങ്ങള്‍ ഏറ്റെടുത്തു. 25000ലധികം പേരാണ് ഈ കമന്റ് മാത്രം ലൈക് ചെയ്തത്.
ഐ.പി.എല്ലില്‍ കിംഗ്‌സ് ഇലവന്‍ പഞ്ചാബിനായി ഇരുവരും ഒരുമിച്ചു കളിച്ചിരുന്നു. ഈ വര്‍ഷം പഞ്ചാബ് റിലീസ് ചെയ്തതോടെ നീഷമിനെ മുംബൈ ഇന്ത്യന്‍സ് സ്വന്തമാക്കിയിരുന്നു. 50 ലക്ഷം രൂപയാണ് നീഷാമിന് മുംബൈ വിലയിട്ടത്.