ലൊബേരയെ പ്രശംസിച്ച് കോറോ, സൂപ്പര്‍ താരവും മുംബെയിലേക്കോ?

Image 3
Uncategorized

മുന്‍ പരിശീലനും നിലവില്‍ മുംബൈ സിറ്റി എഫ്‌സിയുടെ കോച്ചുമായി സെര്‍ജിയോ ലെബേരയെ പ്രശംസകൊണ്ട് എഫ്‌സി ഗോവ സൂപ്പര്‍താരം ഫെറാന്‍ കോറോ. ഗോവയില്‍ താന്‍ സംതൃപ്തനല്ല എന്ന് വ്യക്തമാക്കിയതിന് പിന്നാലെയാണ് കോറോയുടെ ലൊബേര സ്തുദി. ഇത് ഫുട്‌ബോള്‍ ലോകത്ത് ഏറെ ഊഹാപോഹങ്ങള്‍ക്ക് വഴിവെച്ചിട്ടുണ്ട്.

‘കഴിഞ്ഞ മൂന്ന് വര്‍ഷത്തിനുളളില്‍ എഫ്‌സി ഗോവയുടെ കളിശൈലി തന്നെ മാറ്റിമറിച്ച മികച്ച പരിശീലകനാണ് സെര്‍ജിയോ ലൊബേര. പന്ത് നിയന്ത്രണത്തിലാക്കി കളി എങ്ങനെ സ്വന്തമാക്കാമെന്ന് പഠിപ്പിച്ച പരിശീലകനാണ് അദ്ദേഹം. കൂടാതെ എങ്ങനെയാണ് താരങ്ങളുമായി കരാറില്‍ ഏര്‍പ്പെടേണ്ടതെന്നും അദ്ദേഹത്തിനറിയാം. നല്ലകളിക്കാര കണ്ടെത്താന്‍ അദ്ദേഹത്തിനറിയാം. കളിക്കാര്‍ക്ക് സമ്മര്‍ദ്ദം നല്‍കാത്ത പരിശീലന രീതിയുമാണ് അദ്ദേഹത്തിന്റേത്’ കോറോ പറയുന്നു.

എഫ്‌സി ഗോവയുടെ പരിശീലകനായിരുന്ന ലൊബേരയെ കഴിഞ്ഞ സീസണിനിടെയാണ് പുറത്താക്കിയത്. നിലവില്‍ മുംബൈ സിറ്റി എഫ്‌സിയുടെ പരിശീലകനാണ് ലൊബേര. സ്പാനിഷ് പരിശീലകനായ ജുവാന്‍ ഫെര്‍ണാണ്ടോയാണ് ഗോവയുടെ നിലവിലെ പരിശീലകന്‍.

കഴിഞ്ഞ ദിവസമാണ് എഫ്സി ഗോവയ്ക്കെതിരെ ആരോപണവുമായി കോറോ രംഗത്തെത്തിയത്. എഫ്സി ഗോവയില്‍ നിന്ന് തനിക്ക് ഓഫര്‍ ലഭിച്ചതായി പറഞ്ഞ സ്പാനിഷ് താരം എന്നാല്‍ അവര്‍ തന്ന ഓഫറില്‍ താന്‍ ഒട്ടും സംതൃപ്തനല്ലെന്ന് കോറോ തുറന്ന പറയുന്നു.

‘കളിച്ചതില്‍ എഷ്യന്‍ ചാമ്പ്യന്‍ഷിപ്പ് മികച്ച ടൂര്‍ണമെന്റായിരുന്നു. എന്നാല്‍ എന്നെ സംബന്ധിച്ച് ഏറ്റവും പ്രാധാന്യം എന്റെ പ്രകടനത്തിന് അനുസരിച്ച് മൂല്യം ലഭിക്കണം എന്നതാണ്. ഈ വര്‍ഷം എഫ്സി ഗോവയില്‍ നിന്ന് എനിക്ക് ഓഫര്‍ ലഭിച്ചിരുന്നു. എന്നല്‍ കഴിഞ്ഞ കാലങ്ങളിലെ എന്റെ പെര്‍ഫോമന്‍സിനെ അപേക്ഷിച്ച് അതൊട്ടും യോജിക്കാവുന്നതായിരുന്നില്ല’ മുപ്പത്തിയേഴുകാരനായ കോറോ പറയുന്നു.

2017 മുതല്‍ കഴിഞ്ഞ മൂന്ന് സീസണിലും എഫ്സി ഗോവയ്ക്കായി കളിച്ച കോറോ രണ്ട് തവണ ഗോള്‍ഡണ്‍ ബൂട്ട് സ്വന്തമാക്കിയിരുന്നു. ഗോവയ്ക്കായി 57 മത്സരങ്ങള്‍ ഇതിനോടകം കളിച്ച ഈ മുന്‍ എസ്പാനിയോള്‍ താരം 48 ഗോളും അടിച്ച് കൂട്ടിയിട്ടുണ്ട്. അതെസമയം മറ്റ് ഐഎസ്എല്‍ ക്ലബുകളില്‍ നിന്ന് ഓഫറൊന്നും ലഭിച്ചില്ലെന്ന കാര്യവും കോറോ വെളിപ്പെടുത്തി.

‘ഭാവി എന്തെന്ന് ഇപ്പോള്‍ വ്യക്തമല്ല. ഒരു ക്ലബുമായി നിലവില്‍ എനിക്ക് കരാറില്ല. ഞാന്‍ വിവിധ പ്രെപ്പോസലുകള്‍ കേള്‍ക്കുന്നുണ്ട്. എന്നാല്‍ കോവിഡ് മാഹാമാരി പ്രശ്നമാണ്. എഫ്സി ഗോവ മാത്രമാണ് എനിക്ക് ഓഫര്‍ തന്നത്. മറ്റ് രാജ്യങ്ങളില്‍ നിന്ന് ധാരാളം പ്രെപ്പോസലുകള്‍ എനിക്ക് ലഭിച്ചിട്ടുണ്ട്. എന്നാല്‍ ഈ നിമിഷം ഒരു തീരുമാനവും ഞാനെടുത്തിട്ടില്ല’ കോറോ കൂട്ടിചേര്‍ത്തു.