ഐപിഎല്‍ 13ാം സീസണിലെ ആദ്യ മത്സരത്തില്‍ മുംബൈ ഇന്ത്യന്‍സിനെതിരെ ചെന്നൈ സൂപ്പര്‍ കിംഗ്‌സിന് തകര്‍പ്പന്‍ ജയം. ആവേശകരമായ മത്സരത്തില്‍ അഞ്ച് വിക്കറ്റിനാണ് ചെന്നൈ മുംബൈയെ തകര്‍ത്തത്. ടോസ് നഷ്ടമായി ആദ്യം ബാറ്റ് ചെയ്ത മുംബൈ ഇന്ത്യന്‍സ് 20 ഓവറില്‍ ഒന്‍പത് വിക്കറ്റിന് 162 റണ്‍സാണ് അടിച്ച് കൂട്ടിയത്.

അര്‍ധ സെഞ്ച്വറി നേടിയ അമ്പാടി റായിഡുവിന്റേയും ഫാഫ് ഡുപ്ലസിന്റേയും തകര്‍പ്പന്‍ ബാറ്റിംഗ് പ്രകടനത്തിന്റെ ബലത്തിലാണ് ചെന്നൈ നാല് പന്ത് ബാക്കി നില്‍ക്കെ ജയിച്ച് കയറിയത്.

അമ്പാടി റായിഡു 48 പന്തില്‍ ആറ് ഫോറും മന്ന് സിക്‌സും സഹിതം 71 റണ്‍സാണ് എടുത്തത്. ഡുപ്ലസിസ് ആകട്ടെ 44 പന്തില്‍ 6 ഫോര്‍ സഹിതം 58 റണ്‍സും പുറത്താകാതെ സ്വന്തമാക്കി. വിജയ് (1) വാട്‌സണ്‍ (4) ജഡേജ (10) എന്നിങ്ങനെയായിരുന്നു മറ്റ് താരങ്ങലുടെ പ്രകടനം. ധോണി റണ്‍സൊന്നും എടുക്കാതെ പുറത്താകാതെ നിന്നു.

ടോസ് നഷ്ടമായി ആദ്യം ബാറ്റ് ചെയ്ത മുംബൈ ഇന്ത്യന്‍സ് 20 ഓവറില്‍ ഒന്‍പത് വിക്കറ്റിന് 162 റണ്‍സാണ് അടിച്ച് കൂട്ടിയത്. 31 പന്തില്‍ മൂന്ന് ഫോറും ഒരു സിക്‌സും അടക്കം 42 റണ്‍സെടുത്ത സൗരവ് തിവാരിയും 20 പന്തില്‍ അഞ്ച് ഫോറക്കം 33 റണ്‍സെടുത്ത ക്വിന്റണ്‍ ഡി കോക്കുമാണ് മുംബൈയ്ക്കായി മികച്ച പ്രകടനം കാഴ്ച്ചവെച്ചത്.

ഐപിഎല്‍ 13ാം സീസണിലെ ആദ്യ വിക്കറ്റ് മുംബൈ നായകന്‍ രോഹിത്ത് ശര്‍മ്മയുടേതായി. 10 പന്തില്‍ 12 റണ്‍സെടുത്താണ് രോഹിത്ത് പുറത്തായത്. ചൗളയുടെ പന്തില്‍ സാം കുറാന്‍ പിടിച്ചായിരുന്നു രോഹിത്ത് മടങ്ങിയത്. രണ്ട് ബൗണ്ടറി നേടാനായതാണഅ ഏക നേട്ടം. സൂര്യ കുമാര്‍ യാദവ് 17ഉം പൊള്ളാഡ് 16 റണ്‍സും എടുത്തു.

ഒന്നര വര്‍ഷത്തിന് ശേഷം ക്രിക്കറ്റിലേക്ക് തിരിച്ചെത്തിയ ഹാര്‍ദ്ദക്ക് പാണ്ഡ്യ രണ്ട് സിക്‌സ് നേടി വരവറിയിച്ചു. 10 പന്തില്‍ 14 റണ്‍സായിരുന്നു ഹാര്‍ദ്ദിക്ക് സ്വന്തമാക്കിയത്.

ചെന്നൈയ്ക്കായി നാല് ഓവറില്‍ 38 റണ്‍സ് വഴങ്ങി മൂന്ന വിക്കറ്റ് വീഴ്ത്തിയ ലുംഗി നേഗിയാണ് മികച്ച പ്രകടനം കാഴ്ച്ചവെച്ചത്. ചഹാറും രവീന്ദ്ര ജഡേജയും രണ്ട് വിക്കറ്റ് വീതവും സ്വന്തമാക്കി. ചെന്നൈ നായകന്‍ മഹേന്ദ്ര സിംഗ് ധോണി രണ്ട് ക്യാച്ചും മത്സത്തില്‍ നേടിയിരുന്നു.