ഭുംറയുടെ കൈയ്യിലെ പട്ടീസ് ഊരിപ്പിച്ച് ഇമാം, വിക്കറ്റെടുത്ത് മറുപടി കൊടുത്ത് ഭുംറ
ഏഷ്യാ കപ്പില് പാകിസ്ഥാനെതിരെ മത്സരത്തില് പടുകൂറ്റന് ജയം നേടാനായ സന്തോഷത്തിലാണ് ടീം ഇന്ത്യ. 228 റണ്സിന്റെ കൂറ്റന് ജയമാണ് ഇന്ത്യ സ്വന്തമാക്കിയത്. ഇന്ത്യ ഉയര്ത്തിയ 357 റണ്സ് വിജയലക്ഷ്യത്തിന് മുന്നില് പാകിസ്ഥാന് കേവലം 128 റണ്സിന് കീഴടങ്ങുകയായിരുന്നു.
മത്സരത്തില് പാക് ബാറ്റിംഗിനിടെ ചില രസകരമായ സംഭവങ്ങളുണ്ടായി. തന്നെ വെള്ളം കുടിപ്പിച്ച ജസ്പ്രിസ് ഭുംറയോട് പാക് ഓപ്പണര് ഇമാമുല് ഹഖ് കൈമുട്ടിലിട്ട സ്റ്രാപ്പ്സ് ഊരി മാറ്റുമോയെന്ന് അഭ്യര്ത്ഥിക്കുകയായിരുന്നു. ഇമാമുല് ഹഖിന്റെ അഭ്യര്ത്ഥന ഉടന് ചെവിക്കൊണ്ട ഭുംറ കൈമുട്ടിലിട്ട സ്ട്രിപ്പ് ഊരി അമ്പയര്ക്ക് കൊടുക്കുകയും ചെയ്തു.
പിന്നീട് തൊട്ടടുത്ത ഓവറില് ഇമാമുല് ഹഖിന്റെ വിക്കറ്റും ഭുംറ പിഴുതെടുത്തു. 18 പന്തില് ഒന്പത് റണ്സെടുത്ത ഇമാമിനെ സ്ലിപ്പില് ശുഭ്മാന് ഗില്ലിന്റെ കെകളില് എത്തിക്കുകയയായിരുന്നു ഭുംറ. ആ കാഴ്ച്ച കാണാം
Jasprit Bumrah returns to ODI cricket and makes an immediate impact for Team India! 💥🤟#INDvsPAK #JaspritBumrah #CricketTwitter pic.twitter.com/Q2C4Ztec8Z
— OneCricket (@OneCricketApp) September 11, 2023
ഇതോടെ ഏകദിന ക്രിക്കറ്റില് ഏറെ നാളുകള്ക്ക് ശേഷമുളള മടങ്ങി വരവ് ആഘോഷിക്കാനും ഭുംറയ്ക്കായി. മത്സരത്തില് അഞ്ച് ഓവര് എറിഞ്ഞ ഭുംറ 18 റണ്സ് വഴങ്ങി ഒരു വിക്കറ്റ് വീഴ്ത്തി.