ഹാരിസ് റൗഫിനെ കിട്ടിയില്ല, നസീം ഷായ്ക്കിട്ട് പെടച്ച് കോഹ്ലി
കഴിഞ്ഞ ടി20 ലോകകപ്പില് പാകിസ്ഥാനെതിരെ മെല്ബണില് വിരാട് കോഹ്ലി കാഴ്ച്ചവെച്ചത് ക്രിക്കറ്റ് ലോകം പെട്ടെന്നൊന്നും മറക്കില്ല. ഇന്ത്യയെ വിജയത്തിലെത്തിച്ച ആ ഇന്നിംഗ്സില് പാകിസ്ഥാന്റെ പ്രധാന പേസറായിരുന്ന ഹാരിസ് റൗഫിനെ കോഹ്ലി കൈകാര്യം ചെയ്ത രീതി ആരാധകരെ അമ്പരപ്പിച്ചിരുന്നു. പ്രത്യേകിച്ച് ലോങ് ഓണില് കോഹ്ലി ഹാരിസ്് റൗഫിനെതിരെ പറത്തിയ സിക്സ്.
ഇപ്പോഴിതാ അതിന് സമാനമായ സിക്സ് പറത്തികൊണ്ട് ആരാധകരെ ആവേശത്തിലാഴ്ത്തിയിരിക്കുകയാണ് വിരാട് കോഹ്ലി. പരിക്ക് മൂലം ഹാരിസ് റൗഫ് റിസര്വ് ഡേയില് പന്തെറിഞ്ഞിരുന്നില്ല. മറ്റൊരു പേസറായ നസീം ഷായ്ക്കെതിരെയായിരുന്നു ഇക്കുറി മെല്ബണിലെ സിക്സിന് സമാനമായ സിക്സ് കോഹ്ലി പറത്തിയത്.
47ാം ഓവറിലെ നാലാം പന്തിലായിരുന്നു ഈ സിക്സ് കോഹ്ലി നേടിയത്. ആ കാഴ്ച്ച കാണാം
The Shot of the match from the King Kohli👑…reminds of the six at Melbourne Cricket Ground against Haris Rauf.#ViratKohli #INDvPAK #IndiaVsPakistan #AsiaCup2023 pic.twitter.com/czk3VNpRyN
— Sarang Nimkhedkar (@sarangn019) September 11, 2023
മത്സരത്തില് ഏകദിന ക്രിക്കറ്റിലെ തന്റെ 47ാം സെഞ്ചുറി നേടിയ കോഹ്ലി 94 പന്തില് 9 ഫോറും 3 സിക്സും ഉള്പ്പടെ പുറത്താകാതെ 122 റണ്സ് നേടിയിരുന്നു. കോഹ്ലിയ്ക്കൊപ്പം ഏകദിന ക്രിക്കറ്റിലെ ആറാം സെഞ്ചുറി നേടിയ കെ എല് രാഹുല് 106 പന്തില് 111 റണ്സ് നേടികൊണ്ട് തന്റെ തിരിച്ചുവരവ് ഗംഭീരമാക്കുകയും ചെയ്തു.
235 റണ്സാണ് മൂന്നാം വിക്കറ്റില് ഇരുവരും ചേര്ന്ന് കൂട്ടിച്ചേര്ത്തത്. റിസര്വ് ദിനത്തില് ഒരു വിക്കറ്റ് പോലും പാക് ബൗളര്മാര്ക്ക് നേടാന് സാധിച്ചില്ല. നിശ്ചിത 50 ഓവറില് 2 വിക്കറ്റ് നഷ്ടത്തില് 356 റണ്സ് ഇന്ത്യ അടിച്ചുകൂട്ടി. മറുപടി ബാറ്റിംഗില് പാകിസ്ഥാന് തകരുകയാണ്.