; )
ഐ-ലീഗ് ചാമ്പ്യന്‍മാരായ ഗോകുലം കേരളയില്‍ സൂപ്പര്‍ താരത്തെ റാഞ്ചാനുളള നീക്കവുമായി ഐഎസ്എല്‍ ക്ലബ് കേരള ബ്ലാസ്റ്റേഴ്‌സ്. ഗോകുലം താരമായ വിന്‍സി ബാരെറ്റോയെ സ്വന്തമാക്കാനാണ് സ്വന്തമാക്കാന്‍ കേരള ബ്ലാസ്റ്റേഴ്‌സ് നീക്കം തുടങ്ങിയത്. ബാരെറ്റോയെ ബ്ലാസ്‌റ്റേഴ്‌സിലേക്കെത്തിക്കാനുളള നീക്കം അന്തിമ ഘട്ടത്തിലായെന്ന് പുറത്ത് വരുന്ന റിപ്പോര്‍ട്ടുകള്‍.
ഐലീഗില്‍ ഗോകുലത്തിനായി ഈ സീസണില്‍ തകര്‍പ്പന്‍ പ്രകടനം കാഴ്ച്ചവെച്ച ഒരാളാണ് ബാരെറ്റോ. വിംഗുകളിലൂടെ ബാരെറ്റോ നടത്തിയ മിന്നാലാക്രമണങ്ങള്‍ ഗോകുലത്തിന് എതിരാളികള്‍ക്ക് മേല്‍ ആധിപത്യം പുലര്‍ത്താന്‍ ഒരു പരിധി വരെ സഹായിച്ചിരുന്നു. ഗോകുലത്തിനായി 14 കളിയില്‍ ഈ സീസണില്‍ കളിച്ചിരുന്നു.
ഡെംപോ എഫ്‌സിയുടെ അണ്ടര്‍ 18 ടീമിലൂടെയാണ് ബാരെറ്റോ പ്രെഫഷണല്‍ ഫുട്‌ബോള്‍ കരിയര്‍ ആരംഭിക്കുന്നത്. അവിടെനിന്നാണ് പടിപടിയായി ഉയര്‍ന്ന് ഗോകുലത്തിന്റെ വിംഗറായി കളിച്ചത്.
ഐഎസ്എല്‍ 2020-21 സീസണ്‍ കേരള ബ്ലാസ്റ്റേഴ്സിനെ സംന്ധിച്ചെടുത്തോളം വളരെ മോശം സീസണ്‍ ആയിരുന്നു. ഈ സീസണില്‍ ലീഗ് പട്ടികയില്‍ പത്താം സ്ഥാനത്താണ് ബ്ലാസ്റ്റേഴ്‌സ് ഫിനിഷ് ചെയ്തത്. ലീഗില്‍ മൂന്ന് മത്സരങ്ങളില്‍ മാത്രമേ അവര്‍ക്ക് വിജയിക്കാന്‍ കഴിഞ്ഞുള്ളൂ. കൂടാതെ ഈ സീസണിലെ മോശം പ്രകടനത്തെ തുടര്‍ന്ന് ഹെഡ് കോച്ച് കിബു വികുനയുമായി ക്ലബ്ബ് വേര്‍പിരിഞ്ഞു.