; )
ബയേണിനോട്‌ ദുരന്തസമാനമായ പരാജയമേറ്റുവാങ്ങിയിരിക്കുകയാണ് ലാലിഗ വമ്പന്മാരായ ബാഴ്സലോണ. ക്യാപ്റ്റൻ ലയണൽ മെസിക്ക് പകരക്കാരനായി മത്സരശേഷം മാധ്യമങ്ങളോട് സംസാരിക്കവേ ജെറാർഡ് പിക്വേ തന്റെ നിരാശയും സങ്കടവും പങ്കുവെച്ചിരിക്കുകയാണ്.
വലിയ നാണക്കേടാണ് സംഭവിച്ചതെന്ന് പറഞ്ഞു തുടങ്ങിയ പിക്വേ ഒരാളെയും പ്രത്യേകിച്ച് എടുത്തു പറയുന്നില്ലെന്നും എല്ലാവരും തോൽവിക്ക് ഉത്തരവാദികളാണെന്നും അഭിപ്രായപ്പെട്ടു. പുതിയ താരങ്ങളെ കൊണ്ട് വന്നു ബാഴ്‌സയെ പഴയ ഫോമിലേക്ക് തിരിച്ചു കൊണ്ട് വരാൻ സാധിക്കുമെങ്കിൽ ക്ലബിൽ നിന്ന് ആദ്യം പുറത്തുപോവാൻ താൻ ഒരുക്കമാണെന്നും പിക്വേ അഭിപ്രായപ്പെട്ടു. ഇത് ആദ്യമായല്ല ബാഴ്സയിൽ സംഭവിക്കുന്നതെന്നും താൻ കടുത്ത വേദനയിലാണെന്നും പിക്വേ വെളിപ്പെടുത്തി.
???? @3gerardpique
— FC Barcelona (@FCBarcelona) August 14, 2020
Statements on Movistar+ pic.twitter.com/TSQFejGqig
“ഇത് വലിയ നാണക്കേടാണ്. ആർക്കും ഉത്തരവാദിത്തത്തിൽ നിന്ന് ഒഴിഞ്ഞു മാറാൻ സാധിക്കില്ല. പുതിയ താരങ്ങൾ വന്നു ക്ലബ്ബിനെ മാറ്റാൻ സാധിക്കുമെങ്കിൽ ഇവിടെ നിന്ന് ആദ്യം പുറത്തിറങ്ങുന്നത് ഞാൻ ആയിരിക്കും. ഞങ്ങളുടെ അടിവേരാണ് ഇളകിയിരിക്കുന്നത്. ഇത് ആദ്യമായിട്ടോ രണ്ടാമതായിട്ടോ മൂന്നാമതായിട്ടോ അല്ല സംഭവിക്കുന്നത്.
“ഞാനുൾപ്പെടുന്ന എല്ലാവരും വേദനയിലാണ്. ക്ലബിൽ അടിമുടി മാറ്റം വേണം. താരങ്ങളെ മാത്രമല്ല മാറ്റേണ്ടത്. എല്ലാവരും തന്നെ തോൽവിയെ കുറിച്ച് വലിയരീതിയിൽ ചിന്തിക്കേണ്ടിയിരിക്കുന്നു. ബാഴ്സക്ക് സംഭവിച്ചു കൊണ്ടിരിക്കുന്നത് എന്നതിനെ ഒരു വിശകലനം അനിവാര്യമാണ്. തുടർന്ന് അതിൽ നിന്ന് പാഠമുൾകൊണ്ട് തിരിച്ചു വരാനും ശ്രമിക്കണം” പിക്വേ വാചാലനായി.