; )
ബാഴ്സലോണ ഇതിഹാസം ലയണല്‍ മെസിയെ പിടിച്ചുകെട്ടുക എന്നത് സ്വപ്നത്തില്‍ മാത്രം നടക്കുന്ന കാര്യമാണെന്ന് നാപോളി പരിശീലകന്‍ ഗെന്നാരോ ഗട്ടൂസോ. ചാമ്പ്യന്‍സ് ലീഗില്‍ നാപോളിയെ നേരിടാന്‍ ബാഴ്‌സ ഒരുങ്ങുന്നതിനിടെയാണ് നാപോളി പരിശീലകന്‍ഖെ മെസി പ്രശംസ.
ലാസിയോയുമായുള്ള ഇറ്റാലിയന്‍ ലീഗിലെ അവസാന മത്സരം ഒന്നിനെതിരെ മൂന്നു ഗോളുകള്‍ക്ക് ജയിച്ചതിനു ശേഷം മാധ്യമങ്ങളോട് സംസാരിക്കുകയായിരുന്നു ഗെന്നാരോ ഗട്ടൂസോ. ബാഴ്‌സലോണയുമായുള്ള ചാമ്പ്യന്‍സ് ലീഗ് മത്സരത്തില്‍ മെസിയെ എങ്ങനെ തടയുമെന്ന ചോദ്യത്തിന് മറുപടി നല്‍കുകയായിരുന്നു അദ്ദേഹം.
‘മെസിയെ പിടിച്ചു കെട്ടുകയെന്നത് സ്വപ്നത്തില്‍ മാത്രം നടക്കുന്ന കാര്യമാണ്. അതല്ലെങ്കില്‍ തന്റെ മകനോടൊപ്പം പ്ലേസ്റ്റേഷന്‍ കളിക്കുമ്പോഴും പിടിച്ചു കെട്ടാന്‍ കഴിയും’ ഗട്ടൂസോ തമാശരൂപേണ പറഞ്ഞു. മെസി മത്സരത്തില്‍ തങ്ങള്‍ക്ക് വലിയ തോതിലുള്ള വെല്ലുവിളി ഉയര്‍ത്തുമെന്ന് തന്നെയാണ ഗട്ടൂസോ വിശ്വസിക്കുന്നത്.
????️ "I can mark Messi only in my dreams. Or if I set Napoli vs Barcelona on my son's PlayStation, trying to catch him there when I played for Milan with 10-15 kilograms less than today."
— FIFA.com (@FIFAcom) August 2, 2020
???? Anyone think Gennaro Gattuso's been remembering chasing another @FCBarcelona No10 around? pic.twitter.com/hSzF9Z6bZg
അതെസമയം ഇത് തോല്‍വി സമ്മതിക്കുന്നതല്ലെന്നും തങ്ങളാല്‍ കഴിയും വിധം മികച്ച പ്രകടനം നടത്തുമെന്നും ഗട്ടൂസോ ആരാധകര്‍ക്ക് ഉറപ്പ് നല്‍കുന്നു. ചാമ്പ്യന്‍സ് ലീഗില്‍ ബാഴ്‌സയെ നേരിടാന്‍ ഇനി നാപോളിക്ക് ദിവസങ്ങള്‍ മാത്രമേ ഒള്ളൂ. അതേസമയം ലാസിയോയെ 3-1നു തറപ്പറ്റിക്കാന്‍ കഴിഞ്ഞത് ഇദ്ദേഹത്തിന് വലിയ ആശ്വാസം പകര്‍ന്നിട്ടുണ്ട്.
‘മെസിയെ പിടിച്ചു കെട്ടല്‍ സാധ്യമാവുക സ്വപ്നത്തില്‍ മാത്രമാണ്. അതല്ലെങ്കില്‍ ഞാന്‍ എന്റെ മകനൊപ്പം പ്ലേസ്റ്റേഷനില്‍ ബാഴ്സലോണ-നാപോളി മത്സരം കളിക്കുമ്പോള്‍ അദ്ദേഹത്തെ തടയാന്‍ കഴിഞ്ഞേക്കും. അതുമല്ലെങ്കില്‍ ഞാന്‍ മിലാനില്‍ കളിക്കുന്ന കാലത്ത് ഇന്നത്തേക്കാള്‍ പത്തോ പതിനഞ്ചോ കിലോ ഭാരം കുറവുള്ള സമയമാണെങ്കില്‍ ശ്രമിക്കാമായിരുന്നു’ ഗട്ടൂസോ അഭിമുഖത്തില്‍ പറഞ്ഞു. തങ്ങളുടെ കഴിവുകളില്‍ വിശ്വാസം പുലര്‍ത്തിക്കൊണ്ട് ബാഴ്‌സലോണക്കെതിരെ കളിക്കാനിറങ്ങുമെന്നും അദ്ദേഹം കൂട്ടിച്ചേര്‍ത്തു.