; )
ഇംഗ്ലണ്ടിനെതിരെ ആദ്യ ടെസ്റ്റില്‍ ഇന്ത്യ മൈതാനത്ത് വിയര്‍ക്കുന്നതിനിടെ ഡ്രസ്സിംഗ് റൂമില്‍ നിന്നും അത്ര ശുഭകരമായ കാഴ്ച്ചയല്ല പുറത്ത് വരുന്നത്. ഡ്രസ്സിങ് റൂമിന് പുറത്ത് സിറാജ് സഹതാരം കുല്‍ദീപിന്റെ കഴുത്തിന് പിടിക്കുന്നതാണ് ക്യാമറയില്‍ പതിഞ്ഞിരിക്കുന്നത്.
ഇരുവരും തമ്മില്‍ ഗൗരവതരമായി എന്തെങ്കിലും നടന്നതിന് തെളിവില്ലെങ്കിലും സ്പിന്നര്‍ കുല്‍ദീപിനെ പിടിച്ച് മാറ്റുന്നത് തമാശക്കല്ലെന്ന് കാഴ്ച്ചയില്‍ നിന്നും തന്നെ വ്യക്തമാണ്.
ഒന്നാം ദിവസം കളി അവസാനിച്ചയുടന്‍ താരങ്ങള്‍ ഡ്രസ്സിങ് റൂമിലേക്ക് മടങ്ങുമ്പോഴാണ് സംഭവം. വാതിലില്‍ നില്‍ക്കുകയായിരുന്നു സിറാജ്. ടീമില്‍ ഇടമില്ലാതെ പുറത്തുനില്‍ക്കുന്ന കുല്‍ദീപ് മടങ്ങുമ്പോള്‍ സിറാജ് കഴുത്തിന് പിടിക്കുന്നു. വിഡിയോയില്‍ അതിവേഗം കാര്യങ്ങള്‍ അവസാനിക്കുന്നുണ്ട്? അതിനാല്‍, പിന്നീട് എന്തുസംഭവിച്ചുവെന്ന് വ്യക്തമല്ല.
അക്‌സര്‍ പട്ടേല്‍ പരിക്കുമായി പുറത്തായിട്ടും കുല്‍ദീപിന് അവസരം നല്‍കാത്ത നടപടിക്കെതിരെ വിവാദം ശക്തമാണ്. മുന്‍ താരങ്ങള്‍ വരെ പ്രതിഷേധം അറിയിച്ചിരുന്നു. ആഭ്യന്തര ക്രിക്കറ്റില്‍ സ്പിന്‍ മികവുമായി വലിയ നേട്ടങ്ങള്‍ കൊയ്തിട്ടും കുല്‍ദീപിനെ എന്തിന് മാറ്റിനിര്‍ത്തുന്നുവെന്നാണ് ചോദ്യം.
What did siraj do here to kuldeep?👀👀#INDvsENG pic.twitter.com/pmWzVXAwt9
— Aniket Roy (@AniketR25368385) February 5, 2021
എന്നാല്‍, ടീമില്‍ ഉള്‍പെടുത്തിയിട്ടും കളിപ്പിക്കാത്തതിന് പിന്നില്‍ ചിലതുണ്ടാകാമെന്ന് സംശയിക്കുന്നവരുമുണ്ട്. അവര്‍ക്ക് ലഭിച്ച തെളിവായി ഈ കാഴ്ച്ചയെ ചിലര്‍ വാഖ്യാനിക്കുന്നുണ്ട്.