; )
സീരി എയിൽ സസൂളോക്കെതിരെ ഒന്നിനെതിരെ മൂന്നു ഗോളിന്റെ തകർപ്പൻ വിജയം സ്വന്തമാക്കിയിരിക്കുകയാണ് യുവന്റസ്. യുവന്റസിനായി ഗോൾ നേടാനായതോടെ ക്രിസ്ത്യാനോ റൊണാൾഡോ ഗോൾവേട്ടയിൽ മറ്റൊരു ചരിത്രനേട്ടം കൂടി സ്വന്തമാക്കിയിരിക്കുകയാണ്.
യുവന്റസിനായി ഏറ്റവും വേഗത്തിൽ നൂറു ഗോളുകൾ നേടിയ താരമെന്ന ചരിത്ര നേട്ടത്തിനാണ് ക്രിസ്ത്യാനോ ഉടമയായിരിക്കുന്നത്. വെറും മൂന്നു സീസണുകൾക്കുള്ളിലാണ് ഈ നേട്ടം സ്വന്തമാക്കിയതെന്നതും ശ്രദ്ധേയമായ കാര്യമാണ്. മുൻ യുവന്റസ് താരങ്ങളായ ഒമർ ഇ. സിവോരിയുടെയും റോബർട്ടോ ബാജിയോയുടെയും റെക്കോർഡാണ് ക്രിസ്ത്യാനോ തകർത്തത്.
📆 2018-19: 28 goals
📆 2019-20: 37 goals
📆 2020-21: 35 goals*💯 up for Cristiano Ronaldo at Juventus 👑 pic.twitter.com/w6YMDuki3e
— Goal (@goal) May 12, 2021
ഇരുവർക്കും 100 ഗോളുകൾ തികയ്ക്കാൻ 4 സീസണിലധികം വേണ്ടി വന്നുവെന്നതാണ് വസ്തുത. യുവന്റസിനായി വെറും 131 മത്സരങ്ങളിൽ നിന്നാണ് 100 ഗോൾ നേടിയതെന്നത് താരത്തിന്റെ ഗോളടി മികവിനെ തുറന്നു കാട്ടുന്ന ഒന്നാണ്. വ്യത്യസ്ത ലീഗിൽ മൂന്നു ക്ലബ്ബുകൾക്കായും രാജ്യത്തിനായും 100 ഗോളുകൾ നേടുന്ന താരമാവാൻ ക്രിസ്ത്യാനോക്ക് സാധിച്ചിരിക്കുകയാണ്. ഇതേ മത്സരത്തിൽ തന്നെ പൗലോ ഡിബാലയും യുവന്റസിനായി 100 ഗോളെന്ന നേട്ടത്തിനുടമയായി.
🏴 118 goals for @ManUtd
🇪🇸 450 goals for @realmadrid
🇮🇹 100 goals for @juventusfc🤯 Cristiano Ronaldo becomes the first player in history to score 100+ club goals in three countries. He's also netted 103 times for Portugal. Is @Cristiano human? pic.twitter.com/muMNge4qnM
— FIFA.com (@FIFAcom) May 12, 2021
യുവന്റസിനായി 100 ഗോളെന്ന ചരിത്ര നേട്ടത്തിനുടമയാകുന്ന യൂറോപ്യൻ അല്ലാത്ത ആദ്യ താരമാണ് പൗലോ ഡിബാല. മത്സരത്തിൽ വിജയിക്കനായതോടെ ചാമ്പ്യൻസ്‌ലീഗ് യോഗ്യതക്ക് വേണ്ടി ഇനിയുള്ള മൂന്നു മത്സരങ്ങൾ കൂടി യുവന്റസിനു വിജയിക്കേണ്ടതുണ്ട്. ഒപ്പം നാലാം സ്ഥാനത്തുള്ള നാപോളിയുടെ പോയിന്റ് നഷ്ടപ്പെടുകയും വേണം.