സീരി എയിൽ ഇന്ന്‌ രണ്ടു ഇറ്റാലിയൻ വമ്പന്മാരുടെ പോരാട്ടം അരങ്ങേരാനിരിക്കുകയാണ്. സ്വന്തം തട്ടകമായ സാൻ സിറോയിൽ വെച്ചു നടക്കുന്ന മത്സരത്തിൽ വമ്പന്മാരായ യുവൻറസിനെലയാണ് ഇൻറർമിലാൻ നേരിടാനൊരുങ്ങുന്നത്. സീരീ എ പോയിന്റ് ടേബിളിൽ രണ്ടാം സ്ഥാനത്തു തുടരുന്ന ഇന്റർമിലാനു യുവന്റസിനെ തോൽപ്പിക്കാനായാൽ പോയിന്റിൽ ഒന്നാം സ്ഥാനത്തുള്ള നഗരവൈരികളായ എസി മിലാനൊപ്പമെത്താൻ സാധിച്ചേക്കും.

എന്നാൽ യുവന്റസിനു ആദ്യ നാലിലെത്താൻ ഈ വിജയം അനിവാര്യമായ സാഹചര്യമാണുള്ളത്. നിലവിൽ അഞ്ചാം സ്ഥാനത്തുള്ള യുവന്റസിനു വിജയം നേടാനായാൽ പോയിന്റ് ടേബിളിൽ മൂന്നാം സ്ഥാനത്തേക്ക് കയറാൻ സാധിച്ചേക്കും. ലീഗിൽ ഗോൾവേട്ടയുമായി മികച്ച പ്രകടനം തുടരുന്ന ക്രിസ്ത്യാനോ റൊണാൾഡോയുടെ ചിറകിൽ യുവന്റസ് മുന്നേറുകയാണെങ്കിലും സാൻ സിറോയിൽ ഇത്രയും വർഷമായി ക്രിസ്ത്യാനോക്ക് നാലു ഗോളുകൾ മാത്രമാണ് നേടാനായതെന്നത് മറ്റൊരു വസ്തുതയാണ്.

#SerieA ????????
Inter v Juventus: Who has the firepower to win tonight's Derby d'Italia?#derbyditalia match preview.
https://t.co/YUTnizZDWL

— AS English (@English_AS) January 17, 2021

സാൻ സിറോയിൽ എസി മിലാനെതിരെ മൂന്നു ഗോളുകളും എന്നാൽ ഇന്ററിനെതിരെ ഗോൾ നേടാനായാൽ മറ്റൊരു റെക്കോർഡ് കൂടി ക്രിസ്ത്യാനോക്ക് മറികടക്കാനായേക്കും. ലോകത്തിലാദ്യമായി ഔദ്യോഗിക മത്സരങ്ങളിൽ ഏറ്റവും കൂടുതൽ ഗോൾ നേടാനാവുന്ന താരമായി ക്രിസ്ത്യാനോക്ക് മാറാനാകും. സസ്സൂളോക്കെതിരെ ഗോൾ നേടാനായതോടെ നിലവിലെ റെക്കോർഡിനുടമയായ ജോസഫ് ബികാന്റെ 759 ഗോളുകളെന്ന റെക്കോർഡിനൊപ്പമെത്താൻ ക്രിസ്ത്യാനോക്ക് സാധിച്ചിരുന്നു.

ഇന്ററിനെതിരെ ഗോൾ നേടാനായാൽ മറ്റൊരു റെക്കോർഡിന് കൂടി ക്രിസ്ത്യാനോ സാക്ഷിയായേക്കും. ഏറ്റവും കൂടുതൽ സീസണുകളിൽ ഇരുപത്തിലധികം ഗോൾ നേടുന്ന താരമായി മാറാൻ ക്രിസ്ത്യാനോക്ക് സാധിച്ചേക്കും. സീരീ എ യിൽ നിലവിൽ 15 ഗോളുകളും ചാമ്പ്യൻസ്‌ലീഗിൽ 4 ഗോലുകളുമടക്കം മൊത്തം 19 ഗോളുകൾ ക്രിസ്ത്യാനോക്ക് നേടാനായിട്ടുണ്ട്. ഇന്റർ പരിശീലകനായ അന്റോണിയോ കോണ്ടേയുടെ ആവനാഴിയിലെ അമ്പുകൾ റൊമേലു ലുക്കാക്കുവും ലൗറ്റാരോ മാർട്ടിനെസുമാണ്. സീരീ എയിൽ ഗോൾവേട്ട തുടരുന്ന ഇരുവരും യുവന്റസിനു വലിയ വെല്ലുവിളിയാവുമെന്നുറപ്പാണ്.