; )
ഒക്ടോബറിൽ നടക്കാനിരിക്കുന്ന ലോകകപ്പ് യോഗ്യത മത്സരങ്ങൾക്കുള്ള അർജൻറീന ടീമിനെ പ്രഖ്യാപിച്ചിരിക്കുകയാണ്. മെസി നായകനായ മുപ്പതംഗ ടീമിനെയാണ് പരിശീലകൻ ലയണൽ സ്കലോനി പുറത്തുവിട്ടത്. നിലവിലെ സ്‌ക്വാഡിൽ നിന്നും ഇരുപത്തിമൂന്നംഗ ടീമിനെ പ്രഖ്യാപിച്ചാകും അർജന്റീന പോരാട്ടത്തിനിറങ്ങുക. ആഴ്സണലിനായി മികച്ച പ്രകടനം കാഴ്ചവെച്ച ഗോൾകീപ്പർ എമിലിയാനോ മാർട്ടിനസ് ടീമിലിടം നേടിയപ്പോൾ സൂപ്പർതാരം അഗ്യൂറോക്ക് ഇടം നേടാനായില്ല.
ഒക്ടോബർ 8ന് ഇക്വഡോറിനും ഒക്ടോബർ 13ന് ബൊളീവിയക്കും എതിരെയാണ് അർജൻറിനയുടെ ലോകകപ്പ് യോഗ്യത മത്സരങ്ങൾ. മത്സരത്തിനായി മെസി അർജന്റീനയിലേക്കു തിരിച്ചിട്ടുണ്ട്. സ്പെയിനിലേക്കു തിരിച്ചെത്തിയാൽ ക്വാറൻ്റൈനിൽ ഇരിക്കണമെന്നു നിയമമുള്ളതുകൊണ്ട് മെസിക്ക് എൽ ക്ലാസികോയടക്കം മൂന്നു മത്സരങ്ങൾ നഷ്ടപ്പെടാൻ സാധ്യതയുണ്ട്.
#SelecciónMayor Lista preliminar de futbolistas convocados del exterior para los próximos encuentros de Eliminatorias ante Ecuador y Bolivia pic.twitter.com/flUoqCzliq
— Selección Argentina ???????? (@Argentina) September 18, 2020
അർജൻറീന ടീം: ഗോൾകീപ്പർമാർ – എമിലിയാനോ മാർട്ടിനസ് (ആസ്റ്റൺ വില്ല), യുവാൻ മുസോ (യുഡിനസ്), അഗസ്റ്റിൻ മർച്ചേസിൻ (പോർട്ടോ). പ്രതിരോധ താരങ്ങൾ – യുവാൻ ഫൊയ്ത്ത് (ടോട്ടനം), റെൻസോ സറാവിയ (ഇന്റർ-ബ്രസീൽ), ജെർമൻ പെസല്ല (ഫിയോറൻറീന), ലിയനാർഡോ ബാലെർദി (മാഴ്സെ), ഒട്ടമെൻഡി (മാഞ്ചസ്റ്റർ സിറ്റി), നഹ്വാൻ പെരസ് (അറ്റ്ലറ്റികോ മാഡ്രിഡ്), വാൾട്ടർ കണ്ണെമാൻ (ഗ്രമിയോ), ടാഗ്ലിയാഫികോ (അയാക്സ്), അക്കുന (സെവിയ്യ), ഫാകുണ്ട മെദിന (ലെൻസ്).
മിഡ്ഫീൽഡ് – പരഡസ് (പിഎസ്ജി), ഗയ്ഡോ റോഡ്രിഗസ് (റയൽ ബെറ്റിസ്), ഡി പോൾ (ഉഡിനീസെ), പലാസിയോസ് (ലെവർകൂസൻ), ലൊ സെൽസോ (ടോട്ടനം), ഡൊമിൻഗ്വസ് (ബൊളോഗ്ന). മുന്നേറ്റനിര – മെസി (ബാഴ്സ), ഡിബാല (യുവന്റസ്), ഒകമ്പോസ് (സെവിയ്യ), ഗോൺസാലസ് (സ്റ്റുട്ഗർട്ട്), മകലിസ്റ്റർ (ബ്രൈറ്റൺ), പപ്പു ഗോമസ് (അറ്റലാന്റ), ജോവാക്വിൻ കൊറേയ (ലാസിയോ), അലാരിയോ (ലെവർകൂസൻ), ലൗറ്റാരോ മാർട്ടിനെസ് (ഇന്റർ), ജിയോവാനി സിമിയോണി (കാഗ്ലിയാരി), പവോൺ (എൽഎ ഗ്യാലക്സി).