ബാഴ്സയിൽ പെപ്‌ ഗാർഡിയോളയുടെ കാലഘട്ടത്തിൽ മെസി പയറ്റിതെളിഞ്ഞ ഒരു പൊസിഷനാണ്  ഫാൾസ് 9 എന്നത്. മദ്യനിറയ്ക്കും അക്രമണനിരയ്ക്കും ഇടയിലുള്ള ഒരു പൊസിഷനാണ് ഫാൾസ് 9 എന്നത്. ഫുട്ബോൾ തന്ത്രങ്ങളിലെ ഒരു അദൃശ്യസ്ഥാനമാണത്. എന്നാൽ അതിനു അസാമാന്യവേഗതയും ബുദ്ധിശക്തിയും ആവശ്യമായ പൊസിഷൻ ആണത്. മെസ്സിയത് വിജയകരമായി ബാഴ്സയിൽ ചെയ്തുകാണിച്ചിരുന്നതാണ്.

കഴിഞ്ഞ വിയ്യാറയലുമായുള്ള മത്സരത്തിൽ കൂമാൻ മെസിയെ ഫാൾസ് 9 ആയി ഉപയോഗിച്ചിരുന്നു. എന്നാൽ ഈ നീക്കം  ഒരിക്കലും മെസിയെ  അർജൻറീന ടീമിൽ നടപ്പിലാക്കില്ലെന്ന് പരിശീലകൻ സ്കലോണിയുടെ പക്ഷം. സുവാരസ് ടീം വിട്ടതോടെ കൂമാൻ മെസിയെ ഉപയോഗിച്ച് അത്തരത്തിലൊരു പരീക്ഷണത്തിന് മുതിരുകയായിരുന്നു.

Barcelona: Scaloni disagrees with Koeman: Messi won't play as false No.9 for Argentinahttps://t.co/sHfswmXWOj#MarcaEnglish #MarcaEnglish #Sports

— Flying Eze (@flyingeze) September 28, 2020

“അർജന്റീന ടീമിന്റെ കയ്യിൽ പന്തുള്ളപ്പോൾ മെസിക്കു മുന്നിൽ താരങ്ങളെ അണി നിരത്തി കളിപ്പിക്കാനാണ് തീരുമാനം. കഴിഞ്ഞ കോപ്പ അമേരിക്കയിൽ ഈ തന്ത്രം ഫലപ്രദമായിരുന്നു. മെസിക്കു മുന്നിൽ കളിക്കാരുണ്ടെങ്കിൽ അദ്ദേഹത്തിന് ഉള്ളിലേക്ക് ഇറങ്ങിച്ചെന്ന് അസിസ്റ്റുകൾ നൽകാനും എളുപ്പമാണ്.” ‘ലിബറ’ക്കു  നൽകിയ അഭിമുഖത്തിൽ  സ്കലോനി വ്യക്തമാക്കി.

ഒക്ടോബറിൽ നടക്കാനിരിക്കുന്ന ലോകകപ്പ് യോഗ്യത മത്സരങ്ങളിൽ ഇക്വഡോർ, ബൊളീവിയ എന്നിവർക്കെതിരെയാണ് അർജന്റീനക്ക മത്സരങ്ങളുള്ളത്. എന്നാൽ ആ മത്സരങ്ങളിൽ മെസിക്ക് മികച്ച പ്രകടനം നടത്താനാവുമെന്ന പ്രതീക്ഷയും സ്കലോനി പങ്കു വെക്കാൻ മറന്നില്ല. അതേ സമയം മികച്ച സ്ട്രൈക്കർ ടീമിലില്ലാത്ത പ്രശ്നം ഇപ്പോഴും ബാഴ്സലോണയെ അലട്ടുന്ന പ്രശ്നമായി തുടരുകയാണ്.